Ֆրանսիայում աշակերտը հարձակվել է ուսուցչուհու վրա՝ գլխաշորը հանելու խնդրանքի պատճառով

Ֆրանսիայում 18-ամյա աղջիկը բերման է ենթարկվել ուսուցչուհուն ապտակելու համար, որը խնդրել էր նրան հանել իր չադրան։ Այս մասին գրում է France Bleu-ն։

Օրերս երկրի հյուսիսում գտնվող Տուրկուեն կոմունայի Սևինյե լիցեյի աշակերտուհին բերման է ենթարկվել իր ուսումնական հաստատության մոտ և ձերբակալվել։ Նա կասկածվում է ուսուցչուհուն ապտակելու մեջ։

Ոստիկանության տվյալներով՝ աղջիկը ձեռք է բարձրացրել իր ուսուցչուհու վրա այն բանից հետո, երբ վերջինս խնդրել է հանել հենց նոր հագած գլխաշորը։ Կինը պատասխանել է նույն կերպ, իսկ հետո, ինչպես պարզել են իրավապահները, «հետևել են մի քանի հարվածներ, սպառնալիքներ, հրմշտոցներ»։

Ուսուցչի հետ ծեծկռտուքից հետո աշակերտը փախել է, իսկ տուժածը դիմել է ոստիկանություն։