Քրիշտիանու Ռոնալդուն եւ Jacob & Co-ն թողարկել են լյուքս դասի բացառիկ ժամացույցներ

Քրիշտիանու Ռոնալդուն եւ Jacob & Co-ն իրենց համագործակցությունը բարձրացնում են նոր մակարդակի՝ թողարկելով լյուքս դասի բացառիկ ժամացույցներ։

Ֆուտբոլիստի եւ Յակոբ Արաբոյի՝ Jacob & Co.-ի հիմնադրի հարաբերությունները վերջին երկու տասնամյակում ամրապնդվել են։ Այն, ինչ սկսվել է որպես ընկերություն, երբ Ռոնալդուն դեռ երիտասարդ ֆուտբոլային վունդերկինդ էր, այժմ վերաճել է գործնական համագործակցության, որը միավորում է սպորտի եւ ժամացույցների աշխարհի երկու նշանավոր անունները։

Այդ համագործակցության նշանակալի նախագծերից մեկը Twin Turbo Furious Baguette-ն է՝ ինքնատիպ ժամացույց, որն անձամբ Քրիշտիանու Ռոնալդուին է հանձնել ինքը՝ Յակոբ Արաբոն։ Այդ ժամացույցը գնահատվում է տպավորիչ գումարով՝ 1,3 մլն դոլար, եւ արտացոլում է ուշադրությունը դետալների եւ կատարելության հանդեպ։

Jacob & Co x CR7 Epic X հավաքածուն հատուկ է մշակվել, որպեսզի արտացոլի Քրիշտիանու Ռոնալդուի անձն ու բրենդը։ Այդ շարքը ներառում է երկու մոդելներ՝ Flight of CR7 եւ Heart of CR7․ երկուսն էլ ունեն 44 միլիմետրանոց կորպուս եւ ինքնատիպ դետալներ, որոնք վերաբերում են ֆուտբոլի աստղին։ Ժամացույցն ունի վառ բազմաբաղադրիչ մեխանիզմ, որում երկու ուղղահայաց սյունաշարերը ներկայացնում են ինչպես Ռոնալդուին, այնպես էլ նրա CR7 հանրահայտ բրենդը։ Մի սյունաշարը պատկերում է խաղացողին տարբեր դիրքերում, մյուսը կրում է CR7 լոգոտիպը եւ Ռոնալդուի ստորագրությունը։

«Ես միշտ երազել եմ ժամացույցների սեփական հավաքածուի մասին։ @jacobandco Flight of CR7 & the Heart of CR7-ը ոգեշնչվել է մարզադաշտում իմ ամենանշանակալի որոշ պահերից։ Հուսով եմ՝ դրանք ձեզ դուր կգան այնպես, ինչպես ինձ»,- գրել է ֆուտբոլիստն իր Instagram-ում։