«Ազգային առաջընթաց» խմբակցության նոր ղեկավար է ընտրվել․ նոր անդամներ են եկել
Քաղաքական
Երևանի ավագանու «Ազգային առաջընթաց» խմբակցության ղեկավար է ընտրվել Արամ Թորոսյանը: Ավագանու նիստի սկզբում հայտարարել է քաղաքապետ Տիգրան Ավինյանը:
Բացի այդ, Երեւանի վագանու «Հանրային ձայն» կուսակցության ընտրական ցուցակից ընտրված ու լիազորությունները վաղաժամկետ դադարած ավագանու անդամների մանդատները տրվել են «Հանրային ձայն» կուսակցության ընտրական ցուցակից հաջոևրդ թեկնածուներ Լուսինե Բադալյանին եւ Դիանա Ալեքյանին:
Վերջինս իր դիմումի համաձայն դուրս է եկել «Հանրային ձայն» խմբակցության կազմից՝ պահպանելով ավագանու անդամի լիազորությունները:
Ավագանու «Ազգային առաջընթաց» կուսակցության ընտրական ցուցակից ընտրված եւ լիազորությունները վաղաժամկետ դադարած ավագանու անդամի մանդատը տրվել է «Ազգային առաջընթաց» կուսակցության ընտրական ցուցակի հերթական հաջորդ թեկնածու Վահագն Իսոյանին: Նա դիմում է ներկայացրել իր լիազորությունները վաղաժամկետ դադարեցնելու մասին։ Ըստ ԿԸՀ-ի՝ այս մանդատը տրվել է ցուցակում հաջորդող թեկնածու Մուշեղ Հակոբյանին:
Ավելի վաղ Երեւանի ավագանու իշխանական թևի որոշմամբ՝ «Ազգային առաջընթաց» խմբակցության ղեկավար Գրիգորի Երիցյանը զրկվել էր մանդատից՝ նիստերից բացակայությունների պատճառաբանությամբ:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
