Սթիվեն Քինգը պատմել է սարսափ-ֆիլմերի մասին, որոնք վախեցրել են իրեն

Գրող Սթիվեն Քինգը՝ այնպիսի սարսափ-ստեղծագործությունների հեղինակը, ինչպիսին են «Փայլատակումը», «Ընտանի կենդանիների գերեզմանը» եւ «Նա»-ն, պատմել է սարսափ-ֆիլմերի մասին, որոնք իրեն վախեցրել են։

Ինչպես տեղեկացրել է Variety-ն, Սթիվեն Քինգը հրապարակման համար էսսե է գրել՝ «Բոլոր ժամանակների 100 լավագույն սարսափ-ֆիլմերն ըստ Variety-ի վարկածի»։ Քինգի ավանդը կարճ է եղել, բայց այն ընդգրկել է ժանրի տասնամյակների կարեւոր սարսափ-ստեղծագործություններից մի քանիսը՝ համեմատություններով, որոնք սերունդների են վերաբերել։ Հարցն այն է, թե ինչպես կարելի է վախեցնել Սթիվեն Քինգին, որը գրել է այնպիսի գրքեր, ինչպիսին են «Քերին», «Միզերին» եւ «Դիմակայությունը»։

«Ես խորապես մտածել եմ այս հարցերի շուրջ, գուցե ավելի խորը, քան արժե մտածել թեմայի՝ իմ ամենասարսափելի ֆիլմի մասին, բայց մյուս կողմից՝ ես տեսել եմ շատ սարսափ-ֆիլմեր, այնպես որ, գուցե դա հիմնավորված հարց է»։

«Ես եկել եմ այն եզրահանգման, որ «ամենասարսափելի» ֆիլմը կախված է հանդիսատեսի տարիքից։ Երբ ես 16 տարեկան էի, ամենասարսափելի ֆիլմը «Բլրի տան ուրվականն» էր (ռեժիսոր՝ Ռոբերտ Ուայզ)։ Երբ ես մեծացա, դա «Բլերի վհուկն» էր՝ դատապարտված լինելու աճող զգացողությամբ եւ հիրավի սարսափելի վերջին 35 վայրկյաններով։ Բայց ընդհանուր առմամբ ես կասեի, որ դա «Կենդանի մեռյալների գիշերն» էր՝ Ջորջ Ա. Ռոմերոյի ոչ թանկ գլուխգործոցը։ 

Ռոմերոյի 1968թ. զոմբի-սարսափի դարակազմիկ մոտեցման մեջ երիտասարդ կինը ստիպված է ներխուժել տուն, երբ դաժան, զզվելի մարդը հարձակվում է նրա եղբոր վրա եւ սպանում նրան։ Ներսում հայտնվելով՝ նա գտնում է էլ ավելի շատ ողջ մնացածների, որոնք փորձում են թաքնվել առեղծվածային ձեւով մեռած մարդկանցից հարություն առածներից։

Քինգը խոսում է սարսափների կլասիկայի մասին, որը դրել է զոմբի ենթաժանրի հիմքերը սարսափների ժանրում եւ լիովին փոխել է ֆիլմերի մարքետինգի արդյունաբերությունը եւ այն, թե ինչպես են մարդիկ նկարահանել սարսափ ժանրի ոչ թանկ ֆիլմեր։ «Ի վերջո, ոչ ոք ողջ չի մնում։ Այս ֆիլմը տարիների ընթացքում կորցրել է իր տարերային ուժը, դարձել գրեթե կատակ, բայց ես դեռ հիշում եմ անզոր սարսափը, որն զգացի, երբ առաջին անգամ դիտեցի այն»։

Աղբյուրը` News.am