Քասախում տեղի ունեցած ողբերգության պատճառը նախնական վարկածով շմոլ գազից թունավորումն է

Կոտայքի մարզի Քասախ գյուղում մեկ անձի մահվան և երկու անձի ծայրահեղ ծանր վիճակում հիվանդանոց տեղափոխման դեպքով Քննչական կոմիտեում նախաձեռնվել է քրեական վարույթ՝ քրեական օրենսգրքի 412-րդ հոդվածի 2-րդ մասին 2-րդ կետի հատկանիշներով, այն է՝ անվտանգության պահանջներին չհամապատասխանող հումքերի կամ ապրանքների շրջանառությունը, աշխատանքների կատարումը կամ ծառայությունների մատուցումը։ Այս մասին հայտնում  են Քննչական կոմիտեից:

«Դեպքի վայրի զննություն է իրականացվել, այս պահին ակտիվ նախաքննություն է իրականացվում, դատաբժշկական փորձաքննություն է նշանակված, դեպքի հանգամանքները պարզվում են»,–հայտնել է Քննչական կոմիտեի մամուլի խոսնակ Գոռ Աբրահամյանը։

NEWS.am-ի տեղեկություններով, նախնական վարկածով շմոլ գազից թունավորում է տեղի ունեցել։

Հիշեցնենք, որ  հոկտեմբերի 16-ին առավոտյան Քասախ գյուղի բնակարաններից մեկում հայտնաբերվել է մեկ անձի դի, երկու անձ էլ ծայրահեղ ծանր վիճակում տեղափոխվել է «Արմենիա» ԲԿ։