Բայդենը դիտարկում է Ռուսաստանի դեմ նոր պատժամիջոցներ մտցնելու հնարավորությունը. WP

ԱՄՆ նախագահ Ջո Բայդենը քննարկում է Ռուսաստանի էներգետիկ ոլորտի դեմ նոր պատժամիջոցների սահմանումը իր պաշտոնավարման վերջին շաբաթներին։ Այս մասին հայտնում է The Washington Post-ը՝ հղում անելով աղբյուրներին։

Նման որոշումը, ըստ աղբյուրների, նախատեսված է` «նորընտիր նախագահ Դոնալդ Թրամփի ապագա թիմին ավելի շատ լծակներ տալու» Ռուսաստանի հետ կարգավորման հնարավոր բանակցությունների դեպքում։ Պատժամիջոցները ուղղված կլինեն արտասահմանյան նավերի դեմ, որոնք ռուսական նավթ են տեղափոխում ոչ արևմտյան երկրներ, ինչպես նաև ռուսական նավթ արտահանողներին, որոնք դեռ չեն ներառվել պատժամիջոցների ցուցակներում։

Հրատարակության զրուցակիցների կարծիքով՝ հնարավոր տարբերակները ներառում են նաև լիցենզիայի չեղարկումը, որը բանկերին թույլ է տալիս մշակել ռուսական էներգառեսուրսների հետ գործարքները։