Նախկին քաղաքապետ Էրիկ Ադամսի դեմ կոռուպցիոն գործը կարող է կարճվել

Արդարադատության նախարարության բարձրաստիճան պաշտոնյաները բանակցություններ են վարել Մանհեթենի դաշնային դատախազների հետ Նյու Յորքի քաղաքապետ Էրիկ Ադամսի դեմ կոռուպցիոն մեղադրանքները հանելու հնարավորության վերաբերյալ, CBS News-ին հաստատել է քննարկումներին ծանոթ աղբյուրը:

Սեպտեմբերին Ադամսին մեղադրանք է առաջադրվել կոռուպցիայի հինգ հոդվածներով, ներառյալ կաշառակերությունը, դավադրությունը և քարոզարշավի ֆինանսավորման խախտումները: Այս մեղադրանքներում նա իրեն մեղավոր չի ճանաչել։ Մեղադրանքը հաստատվելու դեպքում կարող է մինչև 45 տարվա ազատազրկում սպառնալ:

Արդարադատության նախարարությունը չի մեկնաբանել իրավիճակը։ CBS News-ը մեկնաբանությունների համար դիմել է քաղաքապետ Ադամսի գրասենյակ:

Դեռևս ոչ մի ցուցում չկա, որ Նյու Յորքի դաշնային դատախազները, ովքեր հարուցել են գործը, հրաժարվելու են մեղադրանքներից:

«Նյու Յորք Թայմս»-ն առաջինն էր, որ անդրադարձավ այս քննարկումներին:

Քաղաքապետը երկար ժամանակ պնդում էր իր անմեղությունը։ Անցյալ սեպտեմբերին առաջին անգամ մեղադրանք առաջադրվելիս նա իրեն մեղավոր չի ճանաչել: Ադամսը պետք է դատարան ներկայանա ապրիլին։