Այն մարդիկ, որ դեմ են հայտարարագրին, չեն ուզում, որ աշխատող մարդը պետությունից ստանա լրացուցիչ 100 հազար դրամ. Պապոյան
Քաղաքական
Այն մարդիկ, որոնք հայտարարում են, թե պետք չէ հայտարարագիր ներկայացնել, ստացվում է, որ նրանք ասում են, թե միջին վիճակագրական ընտանիքը, որտեղ 2 աշխատող կա, պետությունից չպիտի ստանա լրացուցիչ 200 հազար դրամ, թեև այդ մարդիկ հարկերն այսպես թե այնպես վճարում են: Այս մասին Կառավարության՝ հունվարի 30-ի նիստին ասաց Էկոնոմիկայի նախարար Գևորգ Պապոյանը:
«Այս գործիքը ոչ մի նոր պարտավորություն մեզ վրա չի ավելացնում, բացառությամբ այն, որ պետք է ժամանակ ծախսենք՝ 30-20 րոպե՝ կախված, թե ինչ ենք հայտարարագրելու, և հետ ստանանք մոտավորապես 100 հազար դրամ»,- ասաց նախարարը:
