ՈւՂԻՂ․ Իրավապաշտպան Կարապետ Պողոսյանի «լայվի գործով» որոշիչ նիստը

Այսօր՝ ժամը 14։00–ից ընթանում է գյումրեցի իրավապաշտպան Կարապետ Պողոսյանի «լայվի գործով» որոշիչ նիստը։

Հիշեցնենք ենք, քաղակտիվիստ Կարապետ Պողոսյանի նկատմամբ հարուցված է հանրային քրեական հետապնդում՝ ՀՀ քրեական օրենսգրքի 297-րդ հոդվածի 2-րդ մասի 3-րդ կետով և 396-րդ հոդվածի 1-ին մասով, և ներկայացվել է մեղադրանք: Դատարանը նրան արգելել է սոցիալական ցանցերով բոլոր տեսակի հրապարակումներ կատարելը։

Պողոսյանին ձերբակալել էին հունիսի 5-ին Վարդենիսում՝ Բագրատ Սրբազանի հանրահավաքին մասնակցելիս։ Նրան ճանապարհին Պարեկային ծառայության աշխատակիցները դուրս էին հանել երթի շարքերից ու տեխզննման փաստաթուղթ չունենալու հիմքով` առգրավել մեքենան: Նույն պահին Կարապետ Պողոսյանը պարեկային ծառայության մեքենայի միջից ֆեյսբուքյան ուղիղ եթերով հայտնել էր, որ իր գլխին գործ են սարքել, և որ իր կողքին նստած լեյտենանտը խոստովանել է, թե ցուցում է ստացել իրեն Մարտունու ոստիկանության բաժին տանելու։