«Պահանջում եմ Հանրապետության նախագահից՝ հայտարարությամբ հստակ վերահաստատել, որ Արևմտյան Հայաստանում հայոց ցեղասպանության միջազգային ճանաչման գործը համազգային շահ է»․ Արթուր Ղամբարյան
Բլոգոսֆերա
Իրավագիտության դոկտոր, պրոֆեսոր Արթուր Ղամբարյանը ֆեյսբուքյան իր էջում գրել է․
«ՀՀ Սահմանադրության 123-րդ հոդվածի 3-րդ մասի համաձայն՝ Հանրապետության նախագահն իր լիազորություններն իրականացնելիս (…) առաջնորդվում է բացառապես ՀԱՄԱԶԳԱՅԻՆ շահերով: Հանրապետության նախագահը ժողովրդին տված երդմամբ պարտավորվել է առաջնորդվել ՀԱՄԱԶԳԱՅԻՆ շահերով։
Պահանջում եմ Հանրապետության նախագահից՝ հայտարարությամբ հստակ վերահաստատել, որ Արևմտյան Հայաստանում հայոց ցեղասպանության միջազգային ճանաչման գործը համազգային շահ է»։
Հիշեցնենք, որ օրեր առաջ Նիկոլ Փաշինյանը Շվեյցարիայում հայ համայնքի մի քանի ներկայացուցչի հետ հանդիպմանը փաստացի կասկածի տակ էր դրել Ցեղասպանության փաստը։ «Մենք Հայոց ցեղասպանության պատմությանն էլ պետք է վերադառնանք, պետք է հասկանանք, լավ՝ ինչ է տեղի ունեցել և ինչու է տեղի ունեցել, և ինչպես ենք մենք դա ընկալել, ում միջոցով ենք ընկալել»,- ասել էր Փաշինյանը։
