Զելենսկին պետք է ներողություն խնդրի Թրամփից. ԱՄՆ պետքարտուղար
Աշխարհ
ԱՄՆ պետքարտուղար Մարկո Ռուբիոն CNN-ի եթերում հայտարարել է, որ Վոլոդիմիր Զելենսկին պետք է ներողություն խնդրի կոնֆլիկտային իրավիճակի համար նախագահ Դոնալդ Թրամփից։
«Կարիք չկար, որ նա գնար այնտեղ և թշնամաբար վերաբերվեր»,- ասել է նա՝ հավելելով, որ Զելենսկին «պետք է ներողություն խնդրի իրենց ժամանակը վատնելու համար»։
Նրա խոսքով՝ ագրեսիվ պահվածքով չես կարող ստիպել ուրիշներին նստել բանակցությունների սեղանի շուրջ։ Ռուբիոն, ինչպես ավելի վաղ Թրամփը, կասկած է հայտնել, որ Զելենսկին խաղաղության համաձայնագիր է ցանկանում։
Սպիտակ տան մամուլի քարտուղար Քերոլին Լևիտը, պատասխանելով ուկրաինական կողմից ներողություն ստանալու հնարավորության մասին հարցին, ասել է, որ ԱՄՆ իշխանությունները դժվար թե դա ստանան։ Նա Զելենսկիին բնութագրել է՝ որպես «կոպիտ» և «թշնամական» և անվանել է «բացարձակապես իրականությանը չհամապատասխանող» այն, որ վիճաբանությունը կազմակերպվել է Թրամփի և Վենսի կողմից:
«Ես չեմ պատրաստվում ընկնել այդ թակարդը՝ պարզելու, թե ով է վատը, ով՝ չարը», - ասել է Ռուբիոն։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
