Զելենսկին խուսափել է պատասխանել Թրամփից ներողություն խնդրելու մասին հարցին
Աշխարհ
Ուկրաինայի նախագահ Վոլոդիմիր Զելենսկին հրաժարվել է պատասխանել այն հարցին, թե նախատեսում է արդյոք ներողություն խնդրել ԱՄՆ առաջնորդ Դոնալդ Թրամփից Սպիտակ տուն վերջին այցի ժամանակ ծագած վիճաբանությունից հետո։ Այս մասին հայտնում է Sky News-ի լրագրող Յալդա Հակիմը, ով Մեծ Բրիտանիայի օդանավակայանում զրուցել է Ուկրաինայի նախագահի հետ։
«Լրագրողների հետ զրույցում նա հրաժարվել է ներքաշվել Սպիտակ տանը ծավալվող դրամայի մեջ և խուսափել է ԱՄՆ նախագահի հետ իր հարաբերությունների վերաբերյալ հարցերից, այդ թվում՝ արդյոք նա նախատեսում է ներողություն խնդրել», - ասել է նա։
Լրագրողի խոսքով՝ Զելենսկին ինքնավստահ ու հուսավառված տեսք ուներ։ Նա նշել է, որ Ուկրաինայի ղեկավարը փորձել է ուժեղ և անհնազանդ մարդու տպավորություն ստեղծել՝ չնայած իր երկրի ապագայի վերաբերյալ անորոշությանը։
ԱՄՆ-ի և Ուկրաինայի նախագահները հրապարակային վիճաբանություն են ունեցել Վաշինգտոնում կայացած հանդիպման ժամանակ։ Սպասվում էր, որ պետությունների ղեկավարները համաձայնության կգան հազվագյուտ հողային մետաղների վերաբերյալ, սակայն համաձայնագիրը չստորագրվեց։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
