Ռուսաստան-ԱՄՆ բանակցությունները Ուկրաինայի հարցով չեն սկսվի այնքան ժամանակ, քանի դեռ դեսպանատները չեն սկսել աշխատել
Աշխարհ
Ռուսաստանի նախագահի մամուլի քարտուղար Դմիտրի Պեսկովը թերահավատություն է հայտնել Ուկրաինայի հարցով ռուս-ամերիկյան բանակցությունների մոտալուտ մեկնարկի վերաբերյալ։ Այս մասին հայտնում է RIA Novosti-ն։
Նման բանակցությունների հնարավորության մասին հարցին ի պատասխան՝ Պեսկովն ասել է, որ երկխոսության մեկնարկը քիչ հավանական է, քանի դեռ երկու երկրների դիվանագիտական ներկայությունը լիովին չի վերականգնվել։
«Ես կասկածում եմ»,- ասել է պաշտոնյան։
Փետրվարի 18-ին Սաուդյան Արաբիայի մայրաքաղաք Էր Ռիադում կայացել են բանակցություններ Ռուսաստանի և ԱՄՆ-ի միջև։ Դրանք տևել են մոտ 4,5 ժամ։ Ռուսաստանի Դաշնության և ԱՄՆ-ի պատվիրակությունները, ի թիվս այլ հարցերի, քննարկել են ուկրաինական հակամարտության կարգավորումը, ինչպես նաև ՌԴ նախագահ Վլադիմիր Պուտինի և նրա ամերիկացի գործընկեր Դոնալդ Թրամփի առաջիկա հանդիպման կազմակերպումը։
Նույն օրը ԱՄՆ պետքարտուղար Մարկո Ռուբիոն հայտարարեց, որ Ռուսաստանն ու ԱՄՆ-ը պայմանավորվել են վերականգնել Մոսկվայում և Վաշինգտոնում դեսպանատների աշխատանքը։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
