ԱՄՆ-Ուկրաինա գործարքի պարամետրերը կարող են փոփոխվել․ CBS News

ԱՄՆ նախագահ Դոնալդ Թրամփը ձգտում է Ուկրաինայի հետ հազվագյուտ մետաղների «ավելի մեծ, լավ» գործարք կնքել։ Այս մասին հայտնում է CBS News-ը։

Ըստ լրագրողների՝ համաձայնագրի պարամետրերը կարող են փոխվել։ CBS-ի աղբյուրների համաձայն՝ գործարքը դեռ վերջնական տեսքի չի բերվել։

Փետրվարի 28-ին Ուկրաինայի և ԱՄՆ-ի միջև հազվագյուտ մետաղների մասին գործարքը չեղարկվել է այն բանից հետո, երբ Թրամփը հանդիպել է Ուկրաինայի նախագահ Վոլոդիմիր Զելենսկու հետ։ Միևնույն ժամանակ, 2025 թվականի փետրվարի սկզբին հաղորդվեց, որ Ռուսաստանի նախագահ Վլադիմիր Պուտինը և Թրամփը կարող են գործարք կնքել Ուկրաինայում հազվագյուտ հողային մետաղների վերաբերյալ։

Հազվագյուտ հողային մետաղների արդյունահանումը համարվում է «կեղտոտ» արդյունաբերություն՝ իր շրջակա միջավայրի վրա ազդեցության պատճառով։

Մարտի 5-ին Թրամփը հայտարարել է, որ այս շաբաթ «պատմական որոշում» կկայացվի՝ ընդլայնելու հազվագյուտ հողերի արդյունահանումը Միացյալ Նահանգներում: