Զելենսկու մեղքը. Լուկաշենկոն՝ Ուկրաինայում հակամարտությունների պատճառների մասին

Վոլոդիմիր Զելենսկին խաղաղության ձգտելու փոխարեն միայն վատթարացրել է կոնֆլիկտային իրավիճակը Ուկրաինայում։ Այս մասին հայտարարել է Բելառուսի նախագահ Ալեքսանդր Լուկաշենկոն ամերիկացի բլոգեր Մարիո Նաուֆալի հետ հարցազրույցի ժամանակ։

Լուկաշենկոն հիշեցրել է, որ Զելենսկու ամենակարևոր խոստումը հակամարտությունը դադարեցնելն էր, «սակայն, ըստ էության, նա ամեն ինչ արեց պատերազմի կրակը բորբոքելու համար»։ Նրա խոսքով՝ Զելենսկու գործողությունները հանգեցրին այս հակամարտության սրմանը։

Բելառուսի ղեկավարը նաև ընդգծել է, որ Զելենսկին իր անփորձության պատճառով մի քանի սխալ է թույլ տվել։ Սակայն, Բելառուսի նախագահի խոսքով, ինքը կարող էր խուսափել դրանցից, եթե չշտապեր ու չլսեր փորձագետների առաջարկությունները։ Միևնույն ժամանակ, Բելառուսի առաջնորդն ընդգծել է, որ Զելենսկին հետևել է ուկրաինական ազգայնական ուժերի օրինակին, և դա վատ է։

«Նա փորձում էր հաղթահարել դժվարին իրավիճակը, և այն ժամանակ ազգայնականները մեծ կշիռ ունեին։ «Նա կանգնեց ուժեղների կողքին», - ասել է Լուկաշենկոն՝ հավելելով, որ ցավում է Զելենսկու համար, քանի որ ինքը վերաբերվում էր նրան՝ «ինչպես իր որդուն», և նրա հետ շատ լավ ու ընկերական հարաբերություններ ուներ։

Միաժամանակ, Լուկաշենկոն հայտարարել է, որ չէր ցանկանա միջնորդ լինել ուկրաինական հակամարտության կարգավորման հարցում։

«Ես ոչ մի կերպ չէի ցանկանա լինել ինչ-որ միջնորդ, հատկապես Ուկրաինայում հարաբերությունների կարգավորման հարցում։ Ոչ մի դեպքում: Եթե ինչ-որ մեկը հետաքրքրություն ցուցաբերի Բելառուսի նկատմամբ, մենք միշտ պատրաստ ենք դրան։ Բայց այս քաշքշուկների մեջ մտնել... Մենք արդեն մի անգամ խառնվել ենք դրան»,- ասել է Լուկաշենկոն։