Մակրոնն աջակցել է Զելենսկիին

Ֆրանսիայի նախագահ Էմանուել Մակրոնը ողջունել է իր ուկրաինացի գործընկեր Վոլոդիմիր Զելենսկու պատրաստակամությունը՝ վերսկսելու ԱՄՆ նախագահ Դոնալդ Թրամփի հետ բանակցությունները, գրում է ֆրանսիական Le Monde թերթը։

Փետրվարի 28-ին Սպիտակ տանը ուկրաինական կարգավորման շուրջ տեղի ունեցած Զելենսկու, Թրամփի և ԱՄՆ փոխնախագահ Ջեյ Դի Վենսի վեճից հետո քաղաքական գործիչների հարաբերությունները վատացան։ Մարտի 4-ին The New York Times-ը և Bloomberg-ը հայտնել են, որ Վաշինգտոնը դադարեցրել է Կիևին տրամադրվող ողջ ռազմական օգնությունը:

Նույն օրը Զելենսկին հայտարարեց ԱՄՆ ղեկավարության հետ անհաջող հանդիպման հետևանքները շտկելու ցանկության մասին և համաձայնեց աշխատել ամերիկացի առաջնորդի «ուժեղ ղեկավարության ներքո»։

Մարտի սկզբին Մակրոնը և Մեծ Բրիտանիայի վարչապետ Քիր Սթարմերը հանդես եկան Ուկրաինայում հրադադար հաստատելու պլանով՝ մեկամսյա զինադադարով: Ֆրանսիայի արտաքին գործերի նախարար Ժան-Նոել Բարոյի խոսքով՝ դա ցույց կտա՝ արդյոք ռուսական կողմը պատրաստ է երկարաժամկետ խաղաղության համաձայնագրի շուրջ լուրջ բանակցությունների։

Ե՛վ Մոսկվան, և՛ Կիևը բազմիցս հանդես են եկել հակամարտության սառեցման դեմ: Ռուսաստանը հանդես է եկել կարգավորման բանակցությունների օգտին, սակայն նշել է, որ Ուկրաինան հրաժարվում է դրանցից: Թրամփը հայտարարել է, որ Զելենսկին խաղաղություն չի ցանկանում։