Խաղաղությունը չի կարող նշանակել կապիտուլյացիա կամ Ուկրաինայի կազմալուծում. Զելենսկի

Խաղաղությունը չի կարող նշանակել կապիտուլյացիա կամ Ուկրաինայի փլուզում: Այս մասին X-ի իր մկրոբլոգում Ֆրանսիայի նախագահ Էմանուել Մակրոնին շնորհակալական գրառման մեջ հայտարարել է Ուկրաինայի նախագահ Վոլոդիմիր Զելենսկին։

«Շնորհակալ ենք Էմանուել Մակրոնին իր հստակ տեսլականի և խաղաղության հասնելու մեր համատեղ ջանքերի համար։ Խաղաղությունը պետք է լինի իրական և ոչ միայն բառերով։ Դա չի կարող նշանակել Ուկրաինայի կապիտուլյացիա կամ կազմալուծում։ Այն պետք է լինի արդար, վստահելի և տևական, և դրան կարելի է հասնել միայն Ուկրաինայի, Եվրոպայի և ողջ աշխարհի անվտանգության ամուր և երկարաժամկետ երաշխիքների պայմաններում։

Մենք խորապես գնահատում ենք բոլորի ղեկավարությունն ու ջանքերը, ովքեր աջակցում են Ուկրաինային և ուժեղացնում Եվրոպայի պաշտպանական կարողությունները։ Մենք անհամբեր սպասում ենք առաջիկա օրերին միասին աշխատելուն խաղաղությանն ուղղված քայլերի վրա»,-ասվում է գրառման մեջ։