Մեքսիկայում ավտոմեքենայում 9 ուսանողի մասնատված մարմին են հայտնաբերել

Մեքսիկայում Պուեբլա և Օախակա նահանգների սահմանին հայտնաբերել են արձակուրդների ժամանակ առեղծվածային հանգամանքներում անհետացած ինը ուսանողների աճյունները։ Այս մասին հայտնում է The New York Post-ը։

Փետրվարի 27-ից ուսանողների խումբը դադարեցրել է շփումը ընտանիքի անդամների հետ։ Հրատարակության տվյալներով՝ ուսանողները ավտոմեքենայով ուղևորվում էին Օախակա նահանգ։ Նրանք ծրագրում էին ծովափնյա հանգիստ։ Ոստիկանները կարողացել են պարզել, որ փետրվարի 24-ին իրենց ավտոմեքենան ֆիքսվել է տեսահսկման տեսախցիկով Ատլիկսկո քաղաքի մոտ՝ 145 կիլոմետր դեպի արևմուտք այն վայրից, որտեղ ավելի ուշ հայտնաբերվել են մարմնի մասերը:

Մասնատված մարմինները հայտնաբերվել են մայրուղու եզրին կայանված լքված ավտոմեքենայի բեռնախցիկում։ Մեքենան ծածկված է եղել «բրեզենտով», որը մասամբ թաթախված է եղել արյունով։ Ավտոմեքենայի կողքին անհայտ անձինք թողել են պայուսակ՝ ութ զույգ ձեռքերով։

Տեղի ոստիկանությունը հայտնել է, որ կորած ինը ուսանողներից ութին հարազատները հայտնաբերել են: Դաժան սպանության հետաքննության մանրամասները չեն հրապարակվում։ Իրավապահները միայն նշել են, որ ներկայումս փորձում են հայտնաբերել հանցագործներին։