Ավստրալական «Ավալոն» միջազգային ավիաշոուի ժամանակ ինքնաթիռ է կործանվել (տեսանյութ)

Ավստրալական «Ավալոն» միջազգային ավիաշոուի ժամանակ թեթև ինքնաթիռ է կործանվել, ինչի հետևանքով օդաչուն ծանր վիճակում է։ Այս մասին հայտնում է ավստրալական ABC հեռուստաալիքը։

«Ինքնաթիռը կործանվել է Ավստրալիայի միջազգային Ավալոն ավիաշոուի ժամանակ՝ Մելբուրնից հարավ-արևմուտք»,- ասվում է հաղորդագրության մեջ։

Հեռուստաալիքի տվյալներով՝ Pitts Special թեթեւ ինքնաթիռը ցուցադրել է «օղակ» մանեւրը։ Օդային հնարք կատարելիս 50-ամյա օդաչուն կորցրել է կառավարումը։ Արդյունքում ինքնաթիռն ընկել է թռիչքուղու վրա։

Նշվում է, որ օդաչուն ծանր վիճակում հոսպիտալացվել է։ ABC-ն, վկայակոչելով ոստիկանության տվյալները, պարզաբանում է, որ ինքնաթիռը կործանվել է հանդիսատեսներից հեռու, և նրանցից ոչ ոք չի տուժել։

Ավստրալիայի միջազգային ավիաշոուն, որը նաև հայտնի է որպես Ավալոն ավիաշոու, խոշոր իրադարձություն է, որն անցկացվում է երկու տարին մեկ անգամ Ավալոն օդանավակայանում, Վիկտորիա նահանգի Մելբուրնի և Ջիլոնգի միջև:

Միջոցառումը մեծ ուշադրություն է դարձնում ռազմական ավիացիայի վրա, որին մասնակցում են Ավստրալիայի թագավորական ռազմաօդային ուժերը, Միացյալ Նահանգների ռազմածովային ուժերը և Միացյալ Նահանգների ռազմաօդային ուժերը:

Ավելի վաղ Ֆրանսիայի Զինված ուժերի նախարար Սեբաստիան Լեկորնուն հայտնել էր, որ հանրապետությունում վթարի է ենթարկվել Patrouille de France aerobatic թիմի երկու Alpha Jet ինքնաթիռ, որոնք մասնակցում էին փորձի։ Ինքնաթիռները բախվել են շրջադարձ կատարելիս, և երկու օդաչուներն էլ կարողացել են փրկել:

Թարգմանությունը՝ Մանուել Թամազյանի