Ռուսաստանում բացահայտել են՝ ինչ վերաբերմունք ունի ԱՄՆ-ը Թայվանի իրավիճակի ռազմական լուծմանը

Թայվանի ճգնաժամի շուրջ խոսակցությունները հիմնականում արհեստական ​​են։ ԱՄՆ-ը շահագրգռված չէ իրավիճակի ռազմական լուծումով։ Այս մասին հայտարարել է ՌԴ ԱԳՆ ղեկավարի տեղակալ Անդրեյ Ռուդենկոն, փոխանցում է ՏԱՍՍ-ը։

«Մեզ թվում է, որ տարածաշրջանում ոչ ոք՝ ոչ Միացյալ Նահանգները, ոչ Չինաստանը, որի մաս է կազմում Թայվանը, շահագրգռված չեն ռազմական լուծմամբ»,- ասել է դիվանագետը։

Անցյալ դեկտեմբերին Չինաստանի արտաքին գործերի նախարարությունը հայտարարեց, որ ԱՄՆ-ի կողմից Թայվանին զենքի վաճառքը խաթարում է չին-ամերիկյան հարաբերությունները և վտանգում կայունությունը Թայվանի նեղուցում: Գերատեսչությունը նշել է, որ նման որոշումները լրջորեն խախտում են «մեկ Չինաստանի» սկզբունքը և չին-ամերիկյան երեք համատեղ կոմյունիկեի դրույթները, երկրի ինքնիշխանությունն ու անվտանգության շահերը։