Չինաստանում հայտարարել են՝ երկրի շահերը ոտնահարելու դեպքում համապատասխան հակաքայլեր կձեռնարկեն

Չինաստանն այլ երկրներից չի ընդունում գործարքներ, որոնք կարող են ոտնահարել նրա շահերը, և նման գործողությունների դեպքում Պեկինը պատրաստ է համապատասխան հակաքայլեր ձեռնարկել։ Այս մասին ասվում է Չինաստանի առևտրի նախարարության հայտարարության մեջ, որը մեկնաբանում է ԱՄՆ-ի՝ Չինաստանին տնտեսապես մեկուսացնելու ծրագրերը։

«Չինաստանը հարգում է ԱՄՆ-ի հետ առևտրատնտեսական վեճերը հավասար խորհրդակցությունների միջոցով լուծելու բոլոր կողմերի ձգտումները»,- ասվում է նախարարության կայքում տեղադրված հաղորդագրության մեջ։

Փաստաթղթում ընդգծվում է, որ բոլոր կողմերը պետք է արդար գործեն «փոխադարձ սակագների» հարցում և պաշտպանեն միջազգային առևտրատնտեսական նորմերը և բազմակողմ առևտրային համակարգը։