Պենտագոնի ղեկավար Հեգսեթը կնոջ հետ զրուցելիս՝ Եմենի հարվածների մասին տվյալներ է հրապարակել

Մարտի 15-ին Պենտագոնի քարտուղար Փիթ Հեգսեթը Signal մեսենջերում մասնավոր չաթի միջոցով կիսվել է Եմենում ԱՄՆ ռազմական գործողության վերաբերյալ գաղտնի տեղեկություններով: Այս մասին հայտնում է New York Times-ը։

Հրատարակության համաձայն՝ Հեգսեթը չաթի մասնակիցներին ուղարկել է Եմենի հութիների դիրքերին հարվածներ հասցրած F/A-18 Hornet կործանիչների թռիչքների ժամանակացույցը։ «Պաշտպանություն | Թիմային հանդիպում» չաթին, որն անցկացվել է Պենտագոնի ղեկավարի անձնական հեռախոսից, մասնակցել է մոտ 10 մարդ, այդ թվում՝ նրա կինը, եղբայրը, փաստաբանը և երկու նախկին պաշտոնյաներ։

«Չաթում քննարկումները վերաբերել են կազմակերպչական խնդիրներին, սակայն տվյալների արտահոսքը սկանդալ է առաջացրել»,- նշում է հրատարակությունը։