Գերմանիայում հայտարարել են՝ Եվրոպան հետ է մնում Ռուսաստանից ԱԹՍ-ների մշակման հարցում

Հյուսիսային Եվրոպայի երկրները զգալիորեն զիջում են Ռուսաստանին Արկտիկայում անօդաչու թռչող սարքերի (ԱԹՍ) մշակման հարցում։ Այս մասին հայտնում է գերմանական Tagesspiegel թերթը։

Հոդվածում ասվում է, որ ավելի քան մեկ տասնամյակ առաջ Ռուսաստանը սկսել է Արկտիկայում անօդաչու թռչող սարքերի զարգացման ծրագիր իրականացնել։ ՆԱՏՕ-ի հյուսիսային երկրները ուշացումով փորձում են սկսել անօդաչու թռչող սարքերի արտադրությունը, սակայն գնալով ձախողվում են տեղական կլիմայի պատճառով:

Հրատարակության համաձայն՝ Ռուսաստանն այս ոլորտում առաջ է անցել ՆԱՏՕ-ից։ Օրինակ, Zala Aero-ն երկար ժամանակ մշակում է անօդաչու թռչող սարքեր, որոնք հարմարեցված են Արկտիկայի ծայրահեղ ջերմաստիճաններին:

Շվեդիայի պաշտպանության ակադեմիայի փոխգնդապետ Յոհան Հուովինենը Tagesspiegel-ին տված հարցազրույցում ասել է, որ Ռուսաստանն առաջ է անցել ՆԱՏՕ-ից Արկտիկայում անօդաչու թռչող սարքերի մշակման հարցում։ Նա ընդգծել է, որ Ռուսաստանը սկսել է անօդաչու թռչող սարքերի ինտեգրումը դեռ 2008 թվականին, մինչդեռ ՆԱՏՕ-ի հյուսիսային երկրները միայն վերջին տարիներին են սկսել դա անել։