Իսպանիայում հայտարարել են, որ էլեկտրացանցերի օպերատորը տեղյակ էր անջատման վտանգի մասին

Իսպանիայի էլեկտրացանցերի օպերատոր Red Eléctrica ընկերությունը, անջատումներից երկու ամիս առաջ, ներդրողներին նախազգուշացրել է էլեկտրամատակարարման խափանումների վտանգի մասին: Այս մասին հայտնել է իսպանական El Mundo թերթը:

Պարբերականի տվյալներով՝ նման տեղեկություններ են եղել փետրվարի 26-ին հրապարակված տարեկան զեկույցում։ Արժեթղթերի և բորսայի ազգային հանձնաժողովի կանոնների համաձայն, ընկերությունները, որոնց բաժնետոմսերը գրանցված են, պետք է նախազգուշացնեն իրենց ներդրողներին բիզնեսի վրա ազդող հնարավոր սպառնալիքների մասին:

Հիշեցնենք՝ ապրիլի 28-ին Իսպանիայում, Պորտուգալիայում և Ֆրանսիայի Իբերական թերակղզուն սահմանակից շրջաններում տեղի ունեցավ էլեկտրաէներգիայի հանկարծակի և լայնածավալ անջատու ։ Միջադեպի ճշգրիտ պատճառները դեռևս անհայտ են, դիտարկվում են տարբերակներ՝ սկսած տեխնոլոգիական վթարից մինչև կիբեռհարձակում։

Իսպանիայի կառավարությունը, երկրում լայնածավալ էլեկտրաէներգիայի անջատումների ֆոնին, ստեղծել է հակաճգնաժամային կոմիտե։