Amazon-ը հերքում է սակագների բացահայտման պլանը

Amazon-ը հերքել է հաղորդագրությունները, թե իբր պատրաստվում էր իր կայքում նշել ԱՄՆ նախագահ Դոնալդ Թրամփի սահմանած սակագների ազդեցությունը ապրանքների գների վրա, փոխանցում է Reuters-ը:

 

Ընկերությունը պարզաբանել է, որ նման քայլ երբեք չի դիտարկվել հիմնական վաճառքի հարթակում, և նման գործառույթ չի կիրառվել որևէ կայքում։ Սակայն խոստովանել է, որ «Amazon Haul» բյուջետային խանութի թիմը քննարկել է որոշ ապրանքների մոտ ներմուծման մաքսավճարները նշելու գաղափարը։ Սպիտակ տան խոսնակ Կարոլին Լևիթն հայտնել է, որ Թրամփը սա գնահատել է որպես «թշնամական և քաղաքական արարք»։ Հաղորդման ֆոնին Amazon-ի բաժնետոմսերը նախնական սակարկությունների ժամանակ նվազել են 2.2%-ով, սակայն այնուհետև կայունացել են։

 

Թրամփի վարչակազմը շարունակում է սեղմել ներքին արտադրության խթանման և մատակարարման շղթաների ամրապնդման ուղիները՝ հատկապես Չինաստանի նկատմամբ սակագների կտրուկ աճից հետո։