Ռադայում հայտարարել են՝ պատրաստ են բանակցել Ռուսաստանի հետ

Ռուսաստանի Դաշնության և Ուկրաինայի խորհրդարանների անդամները այժմ կարող են նախնական շփումներ ունենալ երկու երկրների միջև հակամարտության խաղաղ կարգավորման հարցի շուրջ։ Այս մասին «Իզվեստիայի» հետ զրույցում հայտարարել է Գերագույն ռադայի պատգամավոր Արտյոմ Դմիտրուկը։

«Ինչ վերաբերում է Ուկրաինայի ժողովրդական պատգամավորի իմ պաշտոնին, ես պատրաստ եմ շուրջօրյա մասնակցել ցանկացած բանակցային գործընթացի, որը վերաբերում է ռազմական գործողությունների դադարեցմանը, հետագա խաղաղությանը, տեխնիկական համագործակցությանը և Ուկրաինայի ու Ռուսաստանի միջև հարաբերություններին», - ասել է քաղաքական գործիչը։

Նա հավելել է, որ սա այժմ Ուկրաինայի քաղաքացիների խնդրանքն է, որը նրանց գերակա խնդիրն է։