Բերբոքը կոչ է արել թույլ չտալ «Հյուսիսային հոսքի» վերակենդանացումը

Գերմանիայի հեռացող արտաքին գործերի նախարար Աննալենա Բերբոքը հայտարարել է, որ Եվրամիությունը չպետք է թույլ տա «Հյուսիսային հոսք 2» գազատարի վերակենդանացումը։ Այս մասին գրում է Bloomberg-ը։

««Հյուսիսային հոսք 2»-ի վերագործարկումից հրաժարվելը մեր լավագույն ինքնապաշտպանությունն է։ Եվրամիության համախմբվածությունը մեր կյանքի ապահովագրությունն է և միշտ պետք է լուրջ ընդունվի», - ասել է Բերբոքը։

Ինչպես գրում է Bloomberg-ը, այսպես է մեկնաբանել Գերմանիայի արտաքին գործերի նախարարության ղեկավարը այն խոսակցությունները, որ Ուկրաինայում հակամարտության դադարեցումը կարող է հանգեցնել Ռուսաստանից Եվրոպա գազի մատակարարումների վերսկսմանը։