Իրանն ու ԵՄ երեք երկրները Հռոմում կքննարկեն միջուկային համաձայնագիրը

Իրանի արտաքին գործերի նախարար Աբբաս Արաղչին հայտնել է, որ ուրբաթ օրը Հռոմում Իրանը բանակցություններ է անցկացնելու ԵՄ երեք հիմնական երկրների՝ Ֆրանսիայի, Գերմանիայի և Բրիտանիայի (E3) հետ՝ նպատակ ունենալով թուլացնել լարվածությունը և առաջ շարժվել 2015-ի միջուկային համաձայնագրի ուղղությամբ։ Բանակցությունները նախորդում են Իրանի և ԱՄՆ-ի չորրորդ ուղիղ հանդիպմանը, որը նույնպես տեղի կունենա Իտալիայում, հայտնում է Reuters-ը։

 

Արաղչին քննադատել է եվրոպացիներին՝ «սխալ քաղաքականության» պատճառով գործընթացում ազդեցությունը կորցնելու համար, սակայն նշել է, որ Իրանը պատրաստ է երկխոսության։ Ֆրանսիայի արտգործնախարարն ասել է    համաձայնություն չկայանալու դեպքում Եվրոպան պատրաստ է վերականգնել Իրանի դեմ միջազգային պատժամիջոցները, որոնք կխաթարեն տեխնոլոգիական և տնտեսական մուտքը ԵՄ շուկա։ Իրանը պատասխանել է, որ սպառնալիքներով չի կառուցվում դիվանագիտական ելք։

 

Միաժամանակ, ԱՄՆ ֆինանսների նախարարությունը նոր պատժամիջոցներ է սահմանել Իրանում և Չինաստանում գործող կազմակերպությունների նկատմամբ՝ մեղադրելով նրանց՝ հրթիռային բաղադրիչների մատակարարման մեջ։ Արաղչին այս քայլը որակել է որպես բանակցությունների ընթացքում «սխալ ուղերձ»։ ԱՄՆ նախագահ Դոնալդ Թրամփը նշել է, որ վստահ է՝ հնարավոր է կնքել նոր համաձայնագիր, որը կխոչընդոտի Իրանի՝ միջուկային զենք ստեղծելու ճանապարհը։