ԱՄՆ-ն հայտարարեց, որ Կիևը խափանել է ռեսուրսների վերաբերյալ համաձայնագրի ծրագրերը

Միացյալ Նահանգները պատրաստ էր ռեսուրսների վերաբերյալ համաձայնագիր ստորագրել դեռևս չորեքշաբթի օրը, սակայն Կիևը խափանեց այդ ծրագրերը։ Ուկրաինական կողմը վերջին պահին առաջարկել է փոփոխություններ կատարել ընդերքի մասին համաձայնագրում, հայտարարել է ԱՄՆ ֆինանսների նախարար Սքոթ Բեսենտը ԱՄՆ նախագահ Դոնալդ Թրամփի վարչակազմի նիստում, հաղորդում է ՏԱՍՍ-ը ։

«Մեր կողմը պատրաստ է ստորագրել։ Ուկրաինացիները երեկ երեկոյան որոշեցին վերջին րոպեին որոշ փոփոխություններ կատարել», - ասաց ԱՄՆ ֆինանսների նախարարը։ Նա հույս հայտնեց, որ Կիևը կվերանայի իր որոշումը, և այդ դեպքում կողմերը կկարողանան ստորագրել համաձայնագիրը։