Հութիները հարվածել են ամերիկյան Carl Vinson ավիակրին․ Al Massarah

Եմենի «Անսար Ալլահ» (հութիներ) կրոնական-քաղաքական շարժումը հայտնել է Արաբական ծովում ամերիկյան Carl Vinson ավիակրի վրա հարվածի մասին: Այս մասին Al Massarah հեռուստաալիքին հայտնել է Եմենի հութիների ներկայացուցիչ Յահյա Սարիան։

«Եմենի զինված ուժերը գործողություն են իրականացրել Carl Vinson ավիակրի և նրան ուղեկցող նավերի դեմ Արաբական ծովի ջրատարածքում՝ երեք թևավոր հրթիռների և չորս ԱԹՍ-ների օգնությամբ», - ասված է հաղորդագրության մեջ:

ԱՄՆ ռազմածովային ուժերում այս տեղեկությունը չեն մեկնաբանել։