Ամերիկան ​​գնում է դեպի «ոսկե դարաշրջան»․ Թրամփ

«Ամերիկան ​​գնում է դեպի «ոսկե դարաշրջան»՝ ցածր սպառողական գներով, ավելի բարձր աշխատավարձերով և «աշխարհի պատմության մեջ լավագույն տնտեսությամբ», հայտարարել է ԱՄՆ նախագահ Դոնալդ Թրամփը՝ ելույթ ունենալով Միչիգան ​​նահանգի Դեթրոյթ քաղաքից հյուսիս գտնվող Ուորեն քաղաքում։ Նա խոստացել է, որ առաջիկա շաբաթներին և ամիսներին իր վարչակազմը կներկայացնի «ամերիկյան պատմության մեջ ամենամեծ հարկային կրճատումը»։

Ըստ ԶԼՄ-երի՝ Թրամփը որոշել է պետական բարձրագույն պաշտոնին իր երկրորդ պաշտոնավարման առաջին 100 օրը նշել նախընտրական հանրահավաքի ոճով։

Խոսելով միգրացիայի մասին՝ Թրամփն ասել է, որ «ներխուժողներին հեռացնելը» միայն իր նախընտրական խոստումը չէ։ «Սա իմ սրբազան պարտականությունն է որպես գերագույն գլխավոր հրամանատար։ Ես պարտավոր եմ փրկել մեր երկիրը»,- ընդգծել է նա։