Գազայում իսրայելական հարվածները շուրջ 60 մարդու կյանք են խլել

Իսրայելի բանակը թիրախավորել է Գազայի հատվածի տարբեր շրջանները, որի հետևանքով վերջին մեկ օրվա ընթացքում զոհվել է 59 մարդ։ Այս մասին հայտնում է Al Jazeera-ն։

Գազա և Խան Յունիս քաղաքների գնդակոծությունների հետևանքով, ըստ պաղեստինյան անկլավի բժշկական աղբյուրների, ապրիլի 28-ին զոհվել է 48 մարդ, իսկ ապրիլի 29-ի լուսաբացից ի վեր Գազայի հատվածում Իսրայելի կողմից շարունակվող ռմբակոծությունների արդյունքում զոհվել է 11 պաղեստինցի։