Էստոնիան հայտարարել է Ուկրաինա զորքեր ուղարկելու իր պատրաստակամության մասին

Էստոնիան պատրաստ է ներդրում ունենալ Մեծ Բրիտանիայի և Ֆրանսիայի գլխավորած «կամեցողների կոալիցիայի» զսպող ուժերում՝ անվտանգության երաշխիքներ առաջարկելով Ուկրաինային: Ինչպես  հայտնում է «Ինտերֆաքս» գործակալությունը այդ մասին հայտարարել է երկրի վարչապետ Քրիստեն Միխալը իր մամուլի ծառայության միջոցով։

«Կամեցողների կոալիցիայի պլանավորումը գտնվում է կես ճանապարհին, բայց Էստոնիան պատրաստ է իր ներդրումն ունենալ՝ տրամադրելով ցամաքային զորքերի մարտական ​​ստորաբաժանում՝ վաշտի թվաքանակով, կադրեր պատրաստող հրահանգիչներ և շտաբի սպաներ», – ասել է նա։