Քանի կորեացի զինծառայող է զոհվել Ուկրաինայի դեմ պատերազմում

Հյուսիսկորեացի շուրջ 600 զինվոր է զոհվել ու ևս հազարավորները՝ վիրավորվել Ռուսաստանի կողմից Ուկրաինայի դեմ պատերազմում կռվելիս։ Հարավային Կորեայի խորհրդարանի պատգամավորներին այսպիսի տվյալներ են ներկայացրել հետախուզության ներկայացուցիչները: Այս մասին հաղորդում է հարավկորեական Yonhap գործակալությունը:

«Հյուսիսային Կորեան Ռուսաստան է ուղարկել շուրջ 15 000 զինվոր, և նրանց կորուստները գնահատվում են մոտավորապես 4700 մարդ, այդ թվում՝ շուրջ 600 զոհված», - ըստ պատգամավորների՝ օրենսդիրներին ասել են հետախուզության ներկայացուցիչները։