Դեղերի դեֆիցիտ Հայաստանում. ակադեմիկոսը խոսել է պատճառների մասին
Հասարակություն
Sputnik Արմենիա-ն գրում է․
ԵԱՏՄ-ում գործում է դեղերի թույլտվության վերազգային համակարգ, որն ապահովում է դեղերի ազատ տեղաշարժը եվրասիական տարածքում։ Դրա շնորհիվ ՀՀ քաղաքացիները միության մյուս երկրներում կարող են առանց խոչընդոտի ձեռք բերել դեֆիցիտային դեղամիջոցներ, բայց մեկ վերապահումով՝ միայն անձնական նպատակներով օգտագործելու համար։ Sputnik Արմենիա մամուլի կենտրոնի միացմամբ Մոսկվա-Մինսկ-Աստանա-Բիշքեկ-Երևան տեսակամրջի ժամանակ այս մասին ասաց Ռուսաստանի գիտությունների ակադեմիայի ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն։
Պատասխանելով Sputnik Արմենիայի հարցին, թե ինչն է պատճառը, որ հայկական շուկայում որոշակի դեղամիջոցների դեֆիցիտ կա, և ինչպես պետք է լուծվի այդ խնդիրը` Օնիշչենկոն վստահություն հայտնեց, որ պետական մակարդակով պետք է միջոցներ ձեռնարկվեն Հայաստանի բնակչությանը դեղերի անհրաժեշտ նվազագույն քանակով ապահովելու համար։ «Կարծում եմ` առողջապահության նախարարությունը պետք է ավելի ճկուն մոտեցում ցուցաբերի դրա համար, այդ թվում՝ տեղական դեղագործական ընկերությունների հետ հարաբերություններ կառուցելու առումով»,– ասաց ակադեմիկոսը։
Միաժամանակ նա ընդգծեց, որ միության երկրները կարող են ամբողջ եվրասիական տարածքը ապահովել դեղամիջոցների լայն տեսականիով։
«Աշխարհի ոչ մի երկիր չի կարող իրեն 100%-ով ապահովել դեղերի ամբողջ տեսականիով։ Դա բացառվում է։ Նույնիսկ դեղագործական առումով ամենազարգացած երկրները չեն կարող դա անել։ Եվ պետք էլ չէ։ Այսինքն՝ սա այն դեպքն է, երբ մենք բոլորս միասին օգնում ենք միմյանց։ Ինչ–որ մեկն ավելի լավ է պատրաստում հակաբիոտիկները, մյուսը՝ սրտի համար նախատեսված դեղամիջոցները, մեկ ուրիշն էլ հաջողությունների է հասել ուռուցքաբանության մեջ և այլն։ Եվ դա, եթե կուզեք, նաև բարոյական կատեգորիա է», – նշեց Օնիշչենկոն «ԵԱՏՄ երկրների կենսանվտանգությունը» տեսակամրջի ժամանակ։
Մանրամասն՝ սկզբնաղբյուրում։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
