Սարսափելի է Մխչյանի դպրոցում թմրանյութի դեպքով տեղի ունեցածը․ ԿԳՄՍ նախարար
Հասարակություն
ԿԳՄՍ նախարար Ժաննա Անդրեասյանն անդրադարձել է Մխչյանի դպրոցում թմրանյութի հետ կապված դեպքին՝ նշելով, որ գործով քննություն է ընթանում, հուսով է՝ քննության ավարտից հետո կունենանք բոլորի հարցերի պատասխանները կոնկրետ դրվագի հետ կապված։
«Այն, ինչ տեղի է ունեցել, սարսափելի է։ Այլ բառեր ուղղակի չունեմ։ Կարծում եմ՝ դա անթույլատրիել է, պետք է մանրամասն հասկանանք՝ դպրոցն ինչ քայլեր պետք է ձեռնարկած լիներ, և ինչքան ու որ օղակն է իր տեղում եղել և ճիշտ արձագանքել։ Նման դեպքերը տեղի չեն ունենում մեկ օրում, տեղի չեն ունենում պարզապես, որոշակի նշաններ երևում են, անհանգստացնող ազդակներ են լինում»,– նշել է նա՝ կարևորելով վաղ փուլում նման երթույթը կանխելու անհրաժեշտությունը։
ԿԳՄՍ նախարարն ընդգծեց՝ դպրոցներում ունենք անվտանգության ապահովման սպանդարտի հետ կապված խնդիր։
«Այն, ինչ տեղի է ունեցել, չպետք է կրկնվի»,– շեշտեց նա։
Արարատի մարզի Մխչյան գյուղի Քրիստափոր Ալավերդյանի անվան դպրոցում տեղի ունեցած դեպքով նախաձեռնվել է քրեական վարույթ: 4 անձի նկատմամբ հարուցվել է հանրային քրեական հետապնդում, 1 անձի վերաբերյալ կա ձերբակալման որոշում:
Ավելի վաղ ԶԼՄ-ներում լուրեր էին տարածվել, որ օրեր առաջ դպրոցում տեղի է ունեցել սարսափելի միջադեպ։ Ըստ տեղեկությունների՝ բարձր դասարանների մի քանի տղաներ դպրոցի զուգարանում կապկպել են 4-րդ դասարանի երկու աշակերտի և ստիպողաբար թմրանյութ տվել, որից հետո երեխաների մոտ կախվածություն է առաջացել, նրանք սկսել են տնից գումար գողանալ՝ կրկին նույն աշակերտներից թմրանյութ գնելու նպատակով։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
