Շիրակում 7-8 բալ ուժգնությամբ երկրաշարժի սցենար են մշակել, ստուգել պատրաստվածությունը
Հասարակություն
Մայիսի 22-ին Շիրակի մարզի Արթիկ համայնքում անցկացվել է հրամանատարաշտաբային ուսումնավարժանք՝ «Բնակչության պաշտպանության միջոցառումների կազմակերպումը ուժեղ երկրաշարժի դեպքում» թեմայով:
Մասնակցել են ՆԳՆ փրկարար ծառայության, ոստիկանության, շտապօգնության, մարզային և համայնքային ծառայությունների աշխատակիցներ:
Ուսումնավարժանքի ընթացքում խաղարկվել է 7-8 բալ ուժգնությամբ երկրաշարժի սցենար, որին նախորդել է իրականացվելիք միջոցառումներին վերաբերող աշխատանքային քննարկում։
Գործնական միջոցառումների ընթացքում խաղարկվել են տուժածներին փլատակներից դուրս բերելու, հրդեհի մարման, ծխահարված և արգելափակված անձանց շինություններից դուրսբերման, առաջին բուժօգնության և աղետի հետևանքները չեզոքացնելու հետ կապված այլ գործողություններ:
Ուսումնական վարժանքի մասնակիցներն իրենց առջև դրված առաջադրանքներն իրականացրեցին արդյունավետ և լիարժեք:
Նմանատիպ միջոցառումները հնարավորություն են տալիս մեկտեղել տարբեր ծառայությունների ջանքերը, ինչպես նաև վերագնահատել առկա կարողություններն ու կատարելագործել հմտությունները:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
