ԵՄ-ն չի կարողանա 2025 թվականին բավարար քանակությամբ ադամանդ վաճառել

2025 թվականի առաջին եռամսյակում Եվրամիության (ԵՄ) եկամուտը ադամանդի արտահանումից նվազել է՝ հասնելով ռեկորդային ցածր մակարդակ։ Այս մասին հայտնում է РИА Новости-ն՝ հղում անելով Եվրոստատի տվյալներին։

Նշվում է, որ Եվրամիությունը արտաքին շուկա ադամանդի մատակարարումներից կարողացել է վաստակել ընդամենը 1,4 մլրդ եվրո։ Բելգիան, որը համարվում է ադամանդի հիմնական արտահանողը ԵՄ երկրներից, կրճատել է արտահանումը մեկ երրորդով՝ մինչև 1,3 մլրդ եվրո։ Գերմանիայի կողմից ադամանդի մատակարարումները նվազել են 16%-ով, Ֆրանսիայից՝ 2,5%-ով։

Այս դինամիկայի պատճառը Եվրոպա մուտք գործող ադամանդների քանակի նվազումն է։ Առաջին եռամսյակում ներմուծումը կրճատվել է մեկ քառորդով և կազմել 2,25 տոննա։ Հիմնական մատակարարները մնացել են Հնդկաստանը և Արաբական Միացյալ Էմիրությունները։ Առաջինը մատակարարումները կրճատել է 36%-ով՝ հասնելով 850 կիլոգրամի, իսկ երկրորդը՝ 30%-ով՝ հասնելով 550 կիլոգրամի։