Երբ Թրամփը որոշում կկայացնի Ռուսաստանի դեմ պատժամիջոցների վերաբերյալ․ Atlantic

ԱՄՆ նախագահ Դոնալդ Թրամփը ծրագրում է հակառուսական նոր պատժամիջոցների մասին որոշում ընդունել հունիսի 2-ին Ստամբուլում ռուս-ուկրաինական հնարավոր բանակցությունների արդյունքներից հետո, հայտնում է The Atlantic-ը։

«Մինչ Թրամփը վերջին օրերին խոսում էր օգնականների հետ Ռուսաստանի դեմ նոր պատժամիջոցներ սահմանելու մասին, նա ցանկանում է տեսնել, թե ինչ կլինի, երբ Ուկրաինայի և Ռուսաստանի ներկայացուցիչները հանդիպեն բանակցությունների երկրորդ փուլի համար», - ասվում է հոդվածում:

Նշվում է, որ Թրամփը ցանկանում է գործարք կնքել Ուկրաինայում կարգավորման շուրջ, սակայն նրա խոսքերին բանակցային գործընթացից դուրս գալու ԱՄՆ պատրաստակամության մասին պետք է լուրջ վերաբերվել։