«Զգուշացեք մեղուներից». ԱՄՆ-ում բեռնատարից քառորդ միլիարդ մեղու է դուրս թռել

ԱՄՆ Վաշինգտոն նահանգում շրջված բեռնատարից դուրս է թռել 250 միլիոն մեղու։ Այս մասին հաղորդվել է Facebook-ում։

«250 միլիոն մեղու այժմ ազատության մեջ է: Խուսափեք տարածքից՝ տարածքում մեղուների հնարավոր տարածման և նրանց խմբվելու պատճառով», - ասվում է հաղորդագրության մեջ։

Ոստիկանությունը պարզաբանել է, որ իրենց հետ դեպքի վայր են ժամանել Ուոթքոմ շրջանի հանրային աշխատանքների դեպարտամենտի աշխատակիցները և մեղվաբանները։ Բեռնատարի շրջվելու տարածքը փակ է. աշխատանքներ են տարվում մեղուներին իրենց փեթակներ վերադարձնելու ուղղությամբ։