Մարգարիտա Սիմոնյանն անկեղծացել է իր կարիերան ավարտելու ցանկության մասին

 RT հեռուստաալիքի գլխավոր խմբագիր Մարգարիտա Սիմոնյանը հայտարարել է, որ կավարտեր իր կարիերան, եթե չլիներ Ռուսաստանում տիրող դժվարին իրավիճակը, հայտնում է ՌԻԱ Նովոստին։

«Անկեղծորեն խոստովանում եմ ձեզ, եթե մեր երկիրը չլիներ այսքան դժվարին, լուրջ իրավիճակում, որը պահանջում է լիակատար նվիրվածություն, եթե չլիներ «հատուկ ռազմական գործողությունը», եթե մենք չպայքարեինք ամբողջ ՆԱՏՕ-ի դեմ, տեսնում եք, թե ինչ է կատարվում այսօր, երբ կամուրջներ են պայթեցնում, մեր օբյեկտների վրա են հարձակվում, այդ թվում՝ Սիբիրում, եթե այս ամենը չլիներ, ես կթողնեի աշխատանքս», - ասել է նա։

Սիմոնյանը նշել է , որ կցանկանար շատ ավելի շատ ժամանակ նվիրել իր ընտանիքին և երեխաներին, ինչպես նաև գրելուն, որի մասին երազել է մանկուց։