ՀՀ-ն պետք է կարողանա ապրել իր սահմաններում՝ խաղաղության մեջ. ֆրանսիացի սենատոր

2023թ.-ի ապրիլի 23-ին, երբ սենատորների պատվիրակության հետ այստեղ էինք, գիտակցեցինք, թե ինչ է նշանակում պատերազմի մեջ լինել, Հայաստանը պատերազմի մեջ չէր, բայց հարձակման էր ենթարկվել. Գորիս քաղաքում անցկացվող Հայաստան-Ֆրանսիա ապակենտրոնացված համագործակցության 5-րդ համաժողովին հայտարարեց Ֆրանսիայի Սենատի անդամ Ժիլբեր-Լյուկ Դըվինազին։

Նա նշեց, որ այդ ժամանակ հանդիպել էին Գորիսի քաղաքապետի հետ և նա մարզպետի հետ ճաշի ժամանակ լքել էր իրենց, որովհետև այդ պահին սահմանում միջադեպ կար․

«Երբ լրագրողը հարց էր տալիս, թե ինչպե՞ս եք պատկերացնում համագործակցությունը՝ ասացի, որ պետք  է Հայաստանին օգնել անվտանգությունն ամրապնդելու համար։ Պետք է օգնել Հայաստանին, որպեսզի ռազմապաշտպանական բավականաչափ միջոցներ ունենա, որպեսզի իր սահմանները պաշտանի։ Այդ պահից Սենատում համատեղ որոշում կայացրեցինք և բոլոր սենտորների կողմից  ստորագրվեց՝ պահանջելով մեր գորածդիր իշխանությանն աջակցել ՀՀ-ին՝ պաշտպանություն ապահովելու նպատակով համապատասխան ռազմական միջոցներ տրամադրելու համար։ Շնորհակալություն եմ հայտնում մեր գործադիր իշխանությանը՝ մեզ լսելու համար»,-ասաց նա։

Սենատորը, ով երրորդ անգամ է այցելում Հայաստան, նշեց, որ այդ համագործակցությունը կարևոր է. «ՀՀ-ն պետք է կարողանա ապրել իր սահմաններում՝ խաղաղության մեջ»։