Պարզվել են հնչած կրակոցների հետևանքով հիվանդանոց տեղափոխված վիրավորների ինքնությունը

ՀՀ քննչական կոմիտեի Երևան քաղաքի քննչական վարչության Շենգավիթի քննչական բաժնում նախաձեռնված քրեական վարույթի շրջանակներում պարզվել է երեկ՝ հունիսի 2-ին, Երևանի Մանանդյան փողոցում հնչած կրակոցների հետևանքով հիվանդանոց տեղափոխված վիրավորների ինքնությունը։ 

«Պարզվել է, որ վիրավորներն են Երևանի բնակիչներ 20-ամյա Կարպիս Ֆոդուլյանն ու 21-ամյա Գոռ Խաչատրյանը։ Քննիչներն ու ոստիկանները պարզել են նաև դեպքի որոշ հանգամանքներ։ Այս պահին, նախաքննության շահերից ելնելով, որոշ մանրամասներ չենք հրապարակում։

Ինչպես ավելի վաղ դեպքի վայրից հայտնել էինք հունիսի 2-ին կրակոցներ էին հնչել Երևանում։ Ժամը 20:10-ի սահմաններում ՀՀ Ներքին գործերի նախարարության Ոստիկանության քրեական ոստիկանության գլխավոր վարչությունում, Երևանի քրեական վարչությունում և ՀՀ ՆԳՆ Ոստիկանության համայնքային ոստիկանության գլխավոր վարչության Շենգավիթի բաժնում օպերատիվ տեղեկություններ էին ստացվել, որ Մանանդյան 29 շենքի բակում կրակոցներ են հնչել։ 

Քրեական և համայնքային ոստիկանները նշված շենքի փողոցային հատվածում հայտնաբերել էին 2 չկրակված, մոտ 5 կրակված պարկուճներ, կրակված պարկուճի գնդակ և արնանման հետքեր։ Տարածքը սահմանազատել էին պարեկները։

Դեպքի մասին ոստիկանության Շենգավիթի բաժնից տեղեկությունը փոխանցել էին ՀՀ քննչական կոմիտեի Երևան քաղաքի քննչական վարչության Շենգավիթի քննչական բաժին։ Տեղում պարզվել էր, որ 2 հոգի հրազենային վնասվածքներով տեղափոխվել են «Էրեբունի» բժշկական կենտրոն»,-հայտնում է shamshyan.com-ը։