35–ամյա հետախուզվողը հայտնաբերվեց Ձորաղբյուր գյուղում

Համայնքային ոստիկանության օպերատիվ վերլուծական վարչության և Մարաշի բաժնի ծառայողները համատեղ ձեռնարկած միջոցառումների արդյունքում հունիսի 3-ին Կոտայքի մարզի Ձորաղբյուր գյուղում հայտնաբերել և Մարաշի բաժին են ներկայացրել Երևանի բնակիչ 35-ամյա մի տղամարդու։ Նա մայիսի 8-ից հետախուզվում էր ՀՀ քրեական օրենսգրքի 344-րդ հոդվածի (տրանսպորտային միջոցներ վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոցներ վարելը) մեղադրանքով, խափանման միջոցը՝ կալանք։