Սրանից հետո ասելու եմ՝ «կաշառակեր» Ռոբերտ Քոչարյանը, թող գնան դատի տան․ Փաշինյանը բորբոքվեց (տեսանյութ)

Մեկը կարա՞ բացատրի՝ Վարդան Օսկանյանը և իր կինը ի՞նչ կապ ունեն, որ կարան Դիլիջանում մանկապարտեզ վերցրած լինեն։  Այս մասին կառավարության նիստին ասաց վարչապետ Նիկոլ Փաշինյանը։

Անդրադառնալով մամուլի հրապարակումներին, որ ինքը քոլեջի շենք է նվիրել դստերը՝ Փաշինյանը նշեց․ «Քանի որ այս ապօրինի գույքի բռնագանձման 4 ուղություններն ակտիվացել են, իրենք մի խնդիր ունեն՝ ցույց տալու, որ մենք իրենց նման ենք։ Իրենք արդեն չեն էլ փորձում ապացուցել, որ իրենք թալանչի, սրիկա, ստահակ չեն։ Իրենք հիմա ուրիշ խնդիր են դրել»։

Անդրադառնալով ֆրանսիական լրատվամիջոցի հրապարակմանը, որ ինքը Ֆրանսիայում 3 մլն–ով տուն է գնել՝ Փաշինյանն արձագանքեց․ «Մի երկու հատ դաշնակ–մաշնակ կա Ֆրանսիայում, տանում են 3 եվրոյով կայք են բացում մի շաբաթանոց, մեջն ինչ զառանցանք ասես դնում, ու դե արի ապացուցի։ Էս մարդիկ «քոչարյանասերժական ստահակ» զանգված են։ Մենք կոռեկտություն պահելով՝ սխալվում ենք։ Օրինակ՝ պաշտոնապես չենք արձանագրել, որ Ռոբերտ Քոչարյանը կաշառակեր է։ Եվ դա արձանագրված է դատարանի որոշմամբ։ Որովհետև մարդը գնացել ա, իրա դեմ կաշառքի գործը, ասել ա վաղեմության ժամկետ կիրառեք։ Դա տեղի է ունենում այն ժամանակ, երբ որ ինքը խոստովանում է, որ կաշառակեր է»։

Նա խոստացավ՝ սրանից հետո, երբ ելույթ ունենա, Ռոբերտ Քոչարյան անունը հնչի, ասելու է՝ «կաշառակեր» Ռոբերտ Քոչարյան, «թող գնան դատի տան»։