Մասկի թիմից ես, թե Թրամփի․ ԱՄՆ-ում ընտրության երրորդ տարբերակ չկա
ԱՄՆ
Սպիտակ տան ղեկավար Դոնալդ Թրամփի քաղաքական խորհրդականները պատրաստվում են միլիարդատեր Իլոն Մասկի դեմ հնարավոր «ձգձգվող պատերազմին»: Այս մասին հայտնում է New York Times-ը՝ հղում անելով ամերիկյան առաջնորդին մոտ կանգնած աղբյուրին:
Նա նշել է, որ ԱՄՆ նախագահի թիմը դիտարկում է բաց դիմակայության սցենար, որում թ՛ե Թրամփի, թ՛ե Մասկի դաշնակիցները քաղաքականության և տեխնոլոգիական ոլորտում պետք է «կողմ ընտրեն»: Պարբերականի տվյալներով՝ նախագահի և գործարարի միջև եղած անջրպետը շոկ է առաջացրել Մասկի շրջապատում. նրա կողմնակիցներն ու գործարար գործընկերները թերահավատորեն են ընդունել Միացյալ Նահանգների նախագահի հասցեին արված արտահայտությունները:
Մասկի դաշնակիցներից ոմանք կարծում են, որ միլիարդատերը կկարողանա պահպանել և նույնիսկ ընդլայնել իր ազդեցությունը Թրամփի հետ դիմակայությունում, սակայն «տեխնո-պահպանողական» միջավայրում, որն ավելի վաղ աջակցել էր Թրամփին, տագնապալի տրամադրություններ են նկատվում։ Ոլորտի ներկայացուցիչների կարծիքով՝ Մասկը չափազանց մեծ հակամարտության մեջ է ներքաշվել, որի հետևանքները կուղղվեն նրա դեմ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
