«Ես փյունիկ եմ»․ նոր մանրամասներ՝ Ֆիլիպ Կիրկորովի առողջական վիճակի մասին

Ռուսաստանի ժողովրդական արտիստ, երգիչ Ֆիլիպ Կիրկորովը «Муз-ТВ» 2025 «Լեգենդ» ազգային երաժշտական ​​մրցանակաբաշխության ժամանակ հեռուստադիտողներին պատմել է ստացած այրվածքից ապաքինվելու մասին։

Կատարողի խոսքով՝ ինքն ապաքինվել է մեկ ամիս, այդ ընթացքում լիակատար մեկուսացման մեջ է եղել՝ առանց հեռախոսակապի։

«Ես փյունիկ եմ, ընկերներ։ Շնորհակալություն ձեր աջակցության և բարի խոսքերի համար», - ասել է նա և հավելել, որ կարոտում է իր երկրպագուներին։

Կիրկորովը նաև նշել է, որ ակտիվորեն պատրաստվում է ավանդական ամառային շրջագայությանը։

Ապրիլի 25-ին երգիչը այրվածքներ էր ստացել Սանկտ Պետերբուրգում իր ելույթի ժամանակ։