Իրանը սպառնացել է խզել համագործակցությունը ՄԱԳԱՏԷ-ի հետ
Իրան
Իրանը կնվազեցնի Ատոմային էներգիայի միջազգային գործակալության (ՄԱԳԱՏԷ) հետ համագործակցությունը, եթե հակաիրանական բանաձևն ընդունվի։ Այս մասին ասել է Իսլամական Հանրապետության ատոմային էներգիայի կազմակերպության խոսնակ Բեհրուզ Քամալվանդին, մեջբերում է IRNA-ն։
Մայիսի վերջին հայտնի դարձավ, որ արևմտյան տերությունները փորձում են ճնշում գործադրել ՄԱԳԱՏԷ-ի Կառավարիչների խորհրդի վրա՝ վերջին 20 տարվա ընթացքում առաջին անգամ Իրանին մեղադրելով զենքի չտարածման պարտավորությունները խախտելու մեջ:
Իր վերջին զեկույցում գործակալությունը Իրանի հետ համագործակցությունն անվանել է «ավելի քիչ, քան բավարար»: Փաստաթղթի համաձայն՝ Իրանը արագացրել է մինչև 60% հարստացված ուրանի արտադրությունը։ Գործակալությունը նաև նշել է, որ «խիստ անհանգստացած է», որ Թեհրանն ավելացրել է ուրանի պաշարները փետրվարից մայիսի կեսերն ընկած ժամանակահատվածում:
«ՄԱԳԱՏԷ-ն, անշուշտ, չպետք է ակնկալի Իրանի հետ այնպիսի լայն և բացահայտ համագործակցություն, որը նա ունեցել է մինչ այժմ»,- ասել է Քամալվանդին:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
