Ձեր որդուն բանակից փողով կազատե՞ք. հարց՝ ԳՇ պետին

Ես ունեմ մեկ որդի, տղաս հիմա սովորում է Տնտեսագիտական համալսարանում և սեպտեմբերի մեկից նաև Ռազմական ակադեմիայում «Պատիվ ունեմ» ծրագրով անցնելու է դասընթացներ ու զինծառայությունը զինված ուժերում շարունակելու է որպես սպա։ Այս մասին «ԱրմԼուր»–ի հետ զրույցում ասել է ԶՈւ ԳՇ պետ Էդվարդ Ասրյանը։

Հարցին, թե «փողով չի ազատելու», ԳՇ պետը պատասխանել է․ «Բոլորն էլ ծառայելու են, ես այդ հարցին պատասխանել եմ։ Դա ընթացիկ հարց է և առաջիկա հանձնաժողովի աշխատանքում դա կքննարկվի»։

Ազգային ժողովի Պաշտպանության եւ անվտանգության հարցերի մշտական հանձնաժողովում հունիսի 13-ին ժամը 11։00-ին կրկին կքննարկվի «Զինվորական ծառայության եւ զինծառայողի կարգավիճակի մասին» օրենքում փոփոխություններ կատարելու մասին, «Զինվորական ծառայության եւ զինծառայողի կարգավիճակի մասին» օրենքում լրացումներ եւ փոփոխություն կատարելու մասին» 2024 թվականի հունվարի 16-ի ՀՕ-23-Ն օրենքում փոփոխություն կատարելու մասին, «Պետական տուրքի մասին» օրենքում փոփոխություն եւ լրացում կատարելու մասին, Հայաստանի Հանրապետության քրեական օրենսգրքում լրացում կատարելու մասին օրենքի նախագծերը։