Ազգերի լիգայի եզրափակչում հաղթելուց հետո Ռոնալդուն արտասվել է

Պորտուգալիայի ֆուտբոլի ազգային հավաքականի հարձակվող Կրիշտիանու Ռոնալդուն Ազգերի լիգայի եզրափակչում իր թիմի հաղթանակից հետո արտասվել է։ Այս մասին հայտնում է ՌԻԱ Նովոստին։

Մրցաշարի եզրափակչում, որը կայացել է հունիսի 8-ին, Պորտուգալիայի հավաքականը մրցում էր Իսպանիայի ընտրանու հետ։ Հիմնական ժամանակն ավարտվեց 2:2 հաշվով։ Հանդիպման հաշիվը բացեցին իսպանացիները․ 21-րդ րոպեին գոլի հեղինակ դարձավ Մարտին Սուբիմենդին։ Հինգ րոպե անց Պորտուգալիային հաջողվեց հավասարեցնել հաշիվը, գոլը Պեդրո Նետոյի փոխանցումով խփեց Նունո Մենդեշը։ 45-րդ րոպեին Միկել Օյարզաբալը կրկին առաջ մղեց Իսպանիային, իսկ 61-րդ րոպեին Ռոնալդուն հավասարեցրեց հաշիվը։ Ֆուտբոլիստները չկարողացան գոլ խփել լրացուցիչ ժամանակում։

Հետխաղյա 11 մետրանոցների շարքում ավելի դիպուկ էին պորտուգալացիները՝ 5:3։ Ռոնալդուն չմասնակցեց 11 մետրանոց հարվածաշարին․ հարձակվողը փոխարինվեց երկրորդ խաղակեսի ընթացքում՝ վնասվածքի պատճառով։

Խաղից հետո հարձակվողը չկարողացավ զսպել էմոցիաները և սկսեց արտասվել հենց ֆուտբոլի դաշտում։